بھیونڈی کونگاؤں پولیس نے ایک شاطر چور کو گرفتار کر کے۱۸؍ تولہ سونا، ۲؍لاکھ روپے نقد برآمد کیا۔
بھیونڈی ( شارف انصاری):- بھیونڈی تعلقہ کے ایک گھر میں چوری کے معاملے کی تفتیش کرتے ہوئے، کونگاون پولیس نے سی سی ٹی وی کی مدد سے ممبئی کے مانخرد سے ملزم امتیاز عبدالحمید شیخ 34 کو گرفتار کرنے میں کامیابی حاصل کی ہے۔ پولیس ملزمان سے 18 تولہ سونا اور 2 لاکھ روپے سمیت مسروقہ سامان برآمد کرنے میں کامیاب ہوگئی۔نگاؤں تھانے کے پولیس انسپکٹر سشیل سکپال نے بتایا کہ 20 اگست کو دن دیہاڑے کونگاؤں گاؤں کے دھرمانی واس میں واقع جئے سائی سوسائٹی کی عمارت سے گھر کا تالا توڑ کر 7 لاکھ 50 ہزار روپے مالیت کا 18 تولہ سونا اور 2 لاکھ روپے کا قیمتی سامان چوری کر لیا گیا تھا۔ سینئر پولیس انسپکٹر نیتارام مہاسکے کی رہنمائی میں اسسٹنٹ پولیس انسپکٹر ویبھو چمبلے اور ان کی پولیس اہلکاروں کی ٹیم اروند گورلے، مدھوکر گھوڈسارے، نریندر پاٹل، راہول وکسے، رماکانت سالونکھے، اچیوت گائکواڑ، ہیمنت کھڈسارے، ہیمراج پاٹل نے کونگاوں علاقے سے سی سی ٹی وی کی جانچ شروع کی۔ تو ایک مشتبہ شخص ملا۔ تقریباً 80 سی سی ٹی وی کی جانچ پڑتال کے بعد پتہ چلا کہ مشتبہ شخص ممبئی کے علاقے مانخرد میں رہائش پذیر ہے جس کے بعد پولیس ٹیم نے ملزم امتیاز عبدالحمید شیخ 34 سالہ کو گرفتار کر لیا۔ اس نے جرم کا اعتراف کیا اور پھر اس کے پاس سے تمام اشیاء ضبط کر لیں۔ پولیس انسپکٹر سشیل سکپال نے بتایا کہ امتیاز شیخ ریکارڈ ملزم ہے اور اس کے خلاف ممبئی کے چار تھانوں میں کئی مقدمات درج ہیں۔
بھیونڈی میں دو نامعلوم موٹر سائیکل سواروں نے
ٹرک ڈرائیور کو لوٹ لیا،جی پے کے ذریعے۴۰؍ ہزار روپے کئے ٹرانسفر
بھیونڈی ( شارف انصاری ):-بھیونڈی میں ناسک ممبئی ہائی وے پر منکولی برج کے پاس دو نامعلوم موٹر سائیکل سوار لٹیروں نے دن دیہاڑے ایک ٹرک ڈرائیور کو لوٹ لیا اور فرار ہو گئے۔ نارپولی پولیس نے موٹر سائیکل نمبر سمیت دو نامعلوم ملزمان کے خلاف مقدمہ درج کر کے ان کی تلاش شروع کر دی ہے۔ممبئی ناسک ہائی وے پر چھینا جھپٹی اور ڈکیتی کے واقعات آئے روز ہوتے رہتے ہیں۔ اس ہائی وے پر موٹر سائیکل سوار آسانی سے مسافروں اور ڈرائیوروں کو لوٹ کر بھاگ جاتے ہیں۔ اسی طرح بدھ کی دوپہر تقریباً 2.30 بجے ٹرک ڈرائیور قیش زبیر شیخ ساکن قریش نگر کرلا ممبئی نے اپنے ٹرک نمبر ایم ایچ۔ 03. DV. 7734 سے ممبئی جا رہا تھا۔ اس دوران جیسے ہی وہ ناسک ممبئی ہائی وے پر مانکولی برج پہنچے تو بھیونڈی سے آنے والے دو بائک سوار جن کی گاڑی کا نمبر ایم ایچ41. بی جی۔ 5050 تھا نے اپنی موٹر سائیکل ٹرک کے سامنے کھڑی کر دی اور ٹرک میں بیٹھے کلینر کو گالیاں دینا اور مارنا شروع کر دیا۔ اس کے بعد دونوں نے ٹرک ڈرائیور کی جیب سے 20 ہزار روپے چھین کر فرار لئے اتنا ہی نہیں دونوں لٹیروں نے ٹرک ڈرائیور کا موبائل فون چھین کر اس کے گوگل پے سے 20 ہزار روپے ان کے اکاؤنٹ میں منتقل کر لیا۔ اس طرح ٹرک ڈرائیور سے کل 40 ہزار روپے لوٹ کر دونوں وہاں سے فرار ہوگئے۔ ٹرک ڈرائیور کی شکایت پر، نارپولی پولیس نے بائیک نمبر کے ساتھ دو نامعلوم لٹیروں کے خلاف بی این ایس کی دفعہ 309(6)، 3(5) کے تحت مقدمہ درج کیا ہے۔ جس کی تفتیش پولیس سب انسپکٹر بھرت نوالے کررہے ہیں۔
ٹرانسپورٹر نے چین سے آنے والا مالا ڈیلیوری کرنے کی بجائے غبن کر لیا۔
شری جوگمایا ٹرانسپورٹ کے مالک کے خلاف ۶ء۴۶؍لاکھ روپے کے غبن کا معاملہ درج
بھیونڈی ( شارف انصاری ):- چین سے درآمد کیا گیا قیمتی کپڑا بھیونڈی تعلقہ کے رہنال گاؤں میں واقع گووند کمپاؤنڈ کے اے ایس کے انٹرپرائزز کمپنی کے گودام میں لایا گیا تھا، اسے پہنچانے کے بجائے شری جوگمایا ٹرانسپورٹ کے مالک نے اسے غبن کرلیا۔ اس معاملے میں نارپولی پولیس نے گودام کے کارکن کی شکایت پر ٹرانسپورٹ ملک کے خلاف ایف آئی آر درج کی ہے۔پولیس کے مطابق رہنال میں واقع گووند کمپاؤنڈ میں ASK انٹرپرائزز کمپنی کے گودام میں کام کرنے والے بھیونڈی کے آصف ساجد صدیقی نے نارپولی پولیس میں شکایت درج کرائی ہے، جس میں اس نے پولیس کو بتایا ہے کہ ہمارے گودام میں 6 لاکھ 46 ہزار 814 روپے قیمت کا چین سے 739 میٹر کپڑا درآمد کیا گیا تھا۔ کرن چند یادو عرف چنک پورہ، شری جوگمایا ٹرانسپورٹ کے مالک، مانیسورت کمپاؤنڈ کو ممبئی کرلا میں بائیما فیبرکس، سین میں ایشین انٹرپرائزز، کھوتواڑی میں چامنڈا فیبرکس اور کریشنز آف گوداوری، جیلانی دوپٹہ اور غلام بھائی جیسی مختلف پارٹیوں کو ڈیلیوری کے لیے دیا گیا تھا۔ جو ہمارے گودام سے ٹاٹا ٹیمپو نمبر ایم ایچ 04. KF 8164 اور دوسرا ٹیمپو جس کا نمبر نامعلوم ہے۔ دونوں گاڑیاں مال بھر کر ڈیلیوری کے لیے روانہ ہوئیں لیکن دونوں گاڑیاں مذکورہ کمپنیوں تک نہیں پہنچیں۔ شری جوگمایا ٹرانسپورٹ نے ڈیلیوری نہ کرکے پور مال غبن کر لیا۔ پولیس نے شری جوگمایا ٹرانسپورٹ کے مالک کرن چند یادو عرف چنک پورہ کے خلاف مقدمہ درج کر کے تفتیش شروع کر دی ہے۔ جس کے تفتیشی افسر پولس انسپکٹر وجے مورے ہیں۔
